Sexuaren udaberria
SinopsiaProgramak aztertzen du nola irauli duen internetek sexu-harremanen mundua, esperientzia pertsonalen eta adituen iritzien bidez. Kontxi Martínez de Icayak duela 20 urte eman zuen izena harremanetarako webgune batean, eta sare sozialak iritsi zirenean, txaten munduan murgildu zen; ordutik, hainbat hitzordu izan ditu. Aitor Marañónek, 24 urteko gazteak, bere lehen bikotekidea app baten bidez ezagutu zuen, eta sexu-esperientzia anitzak izan dituela kontatzen du: hirukoteak, saunak eta dominazio-egoerak, besteak beste. Ariane Rodríguezek aplikazioak erabiltzen hasi zen jolas moduan, eta bi urtean 40 bat hitzordu izan ditu. Xabier Madariaga Juanjo Olasagarrekin batera Artxandara hurbiltzen da cruising fenomenoa aztertzeko; han, Olasagarrek bere bizipenak partekatzen ditu, laster argitaratuko duen eleberriaren abiapuntu izango direnak. Ibon eta Elena internet bidez ezagutu ziren, eta erakusten dute sare sozialek harreman iraunkorrak ere sor ditzaketela, aurten ezkonduko baitira. Halaber, parte hartzen du Iñigo Arandiak, euskaldunentzako sortu zuen kaixomaitia.eus webgunearen sortzaileak. Aitziber Estonba sexologoak Tolosako 18 urteko gazteekin sexologiako klase batean gidatuko du taldea. Azkenik, Joseba Errekaldek, HIESaren birusaren eramaleak, Xabier Madariagarekin batera Donostiako farmazia batera egingo du GIB proba.
