Apilaiz
SinopsiaArabako Mendietako Arraia-Maeztu udalerriko Apellanizko kontzejuan, Macario Martínez de Alegría, 71 urtekoa, gaztainondoen tradizioa berreskuratzeko lanean ari da, kimuak txertatuz. Tomas Garridok 84 urte ditu, eta Administrazio Batzarreko presidente ohia izan da 24 urtez. Herriari elektrizitatea eman eta errota martxan jartzen zuen turbina elektriko baten zaharberritze-lanak gidatzen ditu.
