Txokoflana
SinopsiaGaurkoa “menú reto” bat da, ETB1eko Sukalerrian saioko Armintz Gorrotxategi sukaldariari eskainia, eta bertan txokoflan bat prestatuko dugu. Gure lehen irteeran, Rompehuevos jatetxe, taberna eta kafetegira joango gara, eta bertan amuarrain ketuarekin egindako brioche bat nola prestatu erakutsiko digute. Bigarren irteeran, pastel klasikoen munduan murgilduko gara Iñigo Saroberen eskutik, eta Bilboko gozokirik enblematikoena den karolina bat prestatuko digu. Gastronomiaren ikuspegitik, bizkotxoa eta flana prestaketa berean ezin hobeto uztartzeko gakoak ezagutuko ditugu. Nutrizioaren ikuspegitik, berriz, zapore gozoarekiko sentikortasun-maila desberdinak ote dauden eta ahosabaia heztea posible ote den aztertuko dugu. Azkenik, gure ezagutza-pilulan, Marc Ruiz de Minteguía psikologoak gozokien kontsumoa murrizteko gakoak emango dizkigu.